Dzieviać aŭtamabilaŭ i elektrarovar — načnaja prahułka žychara Bychava skončyłasia kryminalnaj spravaj
Naprykancy listapada ŭ milicyju adzin za adnym pastupili paviedamleńni ad aŭtaŭładalnikaŭ pra kradziažy z sałonaŭ aŭto. Dzieviać kradziažoŭ adbylisia ŭ noč z suboty na niadzielu.
Va ŭsich vypadkach dźviery aŭtamabilaŭ byli niezamknutyja, u vyniku aŭtaŭładalniki pazbavilisia chto mahnitoły, chto bluetooth-kałonki, chto hrošaj, chto — klučoŭ ad aŭto. A na Mercedes-Benz Sprinter nieviadomy prajechaŭsia niekalki kvartałaŭ i pakinuŭ jaho, na radaść uładalnika, u technična spraŭnym stanie.
Akramia taho, u tyja ž sutki i na toj ža vulicy, dzie adbyŭsia ŭhon, z haspadarčaj pabudovy inšaha bychaŭčanina źnik elektrarovar.
Padčas ahladaŭ miescaŭ zdareńniaŭ ekśpiert-kryminalist Bychaŭskaha mižrajonnaha adździeła Dziaržkamiteta sudovych ekśpiertyz vyjaviŭ niekalki śladoŭ abutku. Pravaachoŭniki apieratyŭna zatrymali padazravanaha ŭ kradziažach i vykradańni aŭtamabilaŭ — im byŭ biespracoŭny, raniej nieadnarazova sudzimy 40‑hadovy miascovy žychar.
Pa krasoŭkach fihuranta i vyjaŭlenych śladach abutku była praviedziena sudovaja trasałahičnaja ekśpiertyza. Ustanoŭlena supadzieńnie jaho abutku z dvuma śladami na miescach złačynstvaŭ pa ahulnych prykmietach.
Skradzienaje častkova było kanfiskavana ŭ mužčyny, častku jon paśpieŭ pradać. Kryminalnaja sprava ŭ dačynieńni da aŭtaamatara nakiravanaja ŭ sud