Žychar Dziaržynska zadušyŭ cieścia, a potym pisaŭ ad jaho imia smski kachanaj
37‑hadovy mužčyna žyŭ u Dziaržynsku razam z kachanaj i jaje 58‑hadovym baćkam.
Minułaj viasnoj, kali žančyny nie było doma, na fonie praciahłych niepryjaznych adnosin padčas čarhovaha kanfliktu «ziać» zadušyŭ «cieścia». Paśla hetaha jon vyviez cieła ŭ Čavuski rajon Mahiloŭskaj vobłaści i zakapaŭ u chlavie baćkoŭ, paviedamlaje Minskaja abłasnaja milicyja.
Doŭhi čas mužčyna padmanvaŭ dačku zahinułaha, pierakonvajučy, što jejny baćka jaje pakinuŭ, navat adpraŭlaŭ paviedamleńni z telefona zabitaha. Adnak złačynstva ŭdałosia raskryć.
Zaviedziena kryminalnaja sprava pa fakcie zabojstva. Zatrymanamu pahražaje da 15 hadoŭ pazbaŭleńnia voli.