Ministr abarony ZŠA nie pajedzie na klučavuju sustreču ministraŭ abarony NATO
Ministr abarony ZŠA Pit Chiehset nie pajedzie na sustreču kiraŭnikoŭ abaronnych viedamstvaŭ NATO, zapłanavanuju na 12 lutaha ŭ Brusieli. Zamiest jaho Złučanyja Štaty budzie pradstaŭlać jaho namieśnik pa palityčnych pytańniach Ełbrydž Kołbi, piša Politico.
Pit Chiehset. Fota: Anna Moneymaker / Getty Images
Heta ŭžo druhi vypadak zapar, kali vysokapastaŭleny čynoŭnik ZŠA prapuskaje važnyja kansultacyi ŭ miežach Aljansu, što vyklikaje zaniepakojenaść sajuźnikaŭ adnosna roli ZŠA ŭ jeŭraatłantyčnaj biaśpiecy.
Pavodle źviestak krynic, nabližanaść Chiehseta da prapanoŭ ab skaračeńni amierykanskaj vajennaj prysutnaści ŭ Jeŭropie, a taksama źmiena Nacyjanalnaj stratehii abarony ZŠA, u jakoj pryjarytety zrušany ŭ bok abarony ŭłasnaj terytoryi i supraćstajańnia Kitaju, mohuć tłumačyć jaho adsutnaść na ministerskaj sustrečy NATO.