Biełaruski Čyrvony Kryž arhanizavaŭ u Minsku try mabilnyja punkty abahrevu
U punkcie abahrevu prapanujuć sahrecca haračaj harbataj, źjeści sałodkaje, pry nieabchodnaści atrymać ciopłyja rečy.
Fota: BČK
Biełaruski Čyrvony Kryž arhanizavaŭ u Minsku try mabilnyja punkty abahrevu, paviedamiła BiełTA staršynia Minskaj haradskoj arhanizacyi BČK Ramanija Zoryna.
«U suviazi z chałodnym nadvorjem, niahledziačy na toje, što siońnia niepracoŭny dzień, my arhanizavali ŭ Minsku try mabilnyja punkty abahrevu. Pracujuć našy supracoŭniki i vałanciory Biełaruskaha Čyrvonaha Kryža», — skazała Ramanija Zoryna.
Pavodle jaje słoŭ, pieralik pasłuh tradycyjny. U punkcie abahrevu prapanujuć sahrecca haračaj harbataj, źjeści sałodkaje.
Pry nieabchodnaści možna atrymać ciopłuju vopratku, rukavicy, šapki, ciopłaje palito abo kurtku. Taksama tut dajuć ahulnuju infarmacyju pra nieabchodnaść karystańnia achoŭnymi kremami i inšymi srodkami, navučajuć akazańniu pieršaj dapamohi pry abmaražeńniach.
Punkty abahrevu arhanizavany ŭ troch rajonach horada: u Zavodskim (u rajonie rynku), kala stancyi mietro «Uručča» (na adnym z prypynkaŭ na vyjezd z horada) i ŭ Savieckim rajonie — u Sielhaspasiołku.
Čytajcie taksama:
Dzie hetaj nočču było najchaładniej?
Sinoptyki pałochajuć chaładečaj da 33 hradusaŭ
Rabotniki MNS pad Minskam vyratavali 28‑hadovaha chłopca, jaki zamiarzaŭ u poli
U marazy ptuškam patrebna naša padtrymka. Jak ich pravilna karmić