Pamior eks-namieśnik ministra kultury, dypłamat Vasil Černik
1 lutaha pamior były namieśnik ministra kultury Biełarusi i dypłamat Vasil Černik, paviedamili jaho siabry ŭ sacsietkach. Jamu było 65 hadoŭ.
Vasil Černik naradziŭsia ŭ 1960 hodzie ŭ Hrodnie. Skončyŭ Hrodzienski dziaržaŭny ŭniviersitet, zatym — Akademiju kiravańnia.
Z 1993 hoda pracavaŭ u Ministerstvie kultury na roznych pasadach. U 1998 hodzie jon staŭ namieśnikam staršyni Kamiteta pa achovie historyka-kulturnaj spadčyny pry Ministerstvie kultury krainy, paźniej u jakaści načalnika ŭpraŭleńnia kuryravaŭ ustanovy kultury i narodnaj tvorčaści ŭ rehijonach — muziei, biblijateki, damy kultury, centry narodnaj tvorčaści. U siaredzinie 2010‑ch hadoŭ Černik zajmaŭ pasadu namieśnika ministra kultury.
Da pryznačeńnia na hetu pasadu, a taksama paśla zaviaršeńnia pracy ŭ Ministerstvie kultury Vasil Černik znachodziŭsia na dypłamatyčnaj słužbie: u 2009—2013 hadach pracavaŭ u pasolstvie Biełarusi ŭ Polščy, a z 2018 hoda — u Rasii. Siarod inšaha, Černik byŭ daradcam Pasolstva Biełarusi ŭ RF i ŭznačalvaŭ Dziełavy i kulturny kompleks pasolstva.