Biełaruskija navukoŭcy adnavili abličča dziaŭčyny, jakaja žyła pad Minskam 500 hadoŭ tamu. Voś jak jana vyhladała
Vučonyja Instytuta historyi NAN Biełarusi adnavili abličča žycharki Haradzišča pad Minskam, jakaja žyła u pieryjad z 14 pa 16 stahodździe, paviedamlaje telehram-kanał ustanovy.
Antrapołahi i mastaki-rekanstruktary pradstavili adnoŭleny źniešni vyhlad dziaŭčyny, jakaja žyła niekalki stahodździaŭ tamu kala sučasnaha Minska.
Usio pačałosia z archieałahičnych raskopak u vioscy Haradzišča, jakija pravodziŭ vučony-archieołah Andrej Vajciachovič. Daśledčykam udałosia znajści staražytnyja sielskija mohiłki z 25 pachavańniami.
Dziakujučy tamu, što niekatoryja škilety zachavalisia vielmi dobra, śpiecyjalisty zmahli pravieści detalovy antrapałahičny analiz i na jaho asnovie adnavić tvar adnoj z žycharak taho času.
Samo pachavańnie datujecca pieryjadam z XIV pa XVI stahodździe. Heta rabota dazvalaje nam litaralna zazirnuć u vočy čałavieku z dalokaha minułaha Biełarusi.