Inicyjatyva «Budźma biełarusami!» pryznanaja «ekstremisckim farmavańniem»
Kulturnicka-adukacyjnaja inicyjatyva «Budźma biełarusami!» pryznanaja «ekstremisckim farmavańniem». Rašeńnie MUS datavana 29 studzienia.
Hałoŭnaja staronka sajta «Budźmy»
Siońnia novaja pazicyja ŭniesiena ŭ adpaviedny pieralik.
«Hrupa hramadzian, jakija ŭvachodziać u ekstremisckaje farmiravańnie «Budźma biełarusami!», ažyćciaŭlaje ekstremisckuju dziejnaść», — havorycca ŭ dakumiencie.
Ukazana, što da inicyjatyvy majuć dačynieńnie Alena Makoŭskaja i Nina Šydłoŭskaja.
U pieralik uniesieny sajt budzma.org, a taksama resursy inicyjatyvy ŭ roznych sacyjalnych sietkach i mesendžerach, adrasy elektronnaj pošty, akaŭnt u PayPal i «łahatyp u vyhladzie hrafičnaha malunka, jaki pakazvaje schiematyčnaje adlustravańnie troch čałaviečych siłuetaŭ biełaha koleru na čyrvonym fonie».