U źlitych fajłach Epštejna ŭspłyła jašče adna biełaruska, madel i žonka futbalista — raskazvajem, što pra jaje viadoma
Akramia kachanki pamierłaha amierykanskaha finansista Džefry Epštejna Karyny Šulak i jaje baćkoŭ, u źlitych dakumientach fihuruje jašče adna biełaruska — 28‑hadovaja Viktoryja Siemiančuk (Čabatarenka pa mužu). Chto jana takaja?
U miljonach źlitych fajłaŭ ź pierapiskami Epštejna z roznymi ludźmi znajšoŭsia i zdymak pašparta Viktoryi Siemiančuk. Ckrynšot: justice.gov.
Ź infarmacyi, jakoj z «Našaj Nivaj» padzialilisia ŭ arhanizacyi Belpol, Viktoryja naradziłasia ŭ Hrodnie, skončyła Hrodzienski dziaržaŭny ŭniviersitet imia Janki Kupały.
Źviestki pra jaje aficyjnaje miesca pracy paśla vypusku z univiersiteta adsutničajuć, ale, miarkujučy z sacsietak dziaŭčyny, z 2015 hoda jana aktyŭna zdymajecca jak madel. Siarod inšaha, jana była tvaram niekatorych kalekcyj Mark Formelle i pracavała pavodle kantraktu ŭ Tajłandzie.
Fota: sacyjalnyja sietki Viktoryi
Siońnia dziaŭčyna nosić inšaje proźvišča — muža Jaŭhiena Čabatarenki. Jon były futbalist. Naradziŭsia ŭ Biełarusi, ale ź ciaham času atrymaŭ rasijskaje hramadzianstva. Siarod inšaha, hulaŭ za «Nioman» i «Krumkačoŭ». Paśla zakančeńnia futbolnaj karjery Jaŭhien zajmajecca nieruchomaściu ŭ Sankt-Pieciarburhu.
Na žal, ni ad jaho, ni ad Viktoryi nam nie ŭdałosia atrymać kamientaroŭ nakont taho, jak dakumienty dziaŭčyny mahli apynucca siarod fajłaŭ Epštejna.