U Abu-Dabi damovilisia pra novy abmien vajennapałonnymi
Prezident Ukrainy Uładzimir Zialenski ŭ svaim telehram-kanale paviedamiŭ pra vyniki pieršaha dnia ŭkrainska-rasijska-amierykanskich pieramoŭ, jakija prajšli ŭ Abu-Dabi.
Adzin z ukrainskich vajennapałonnych, vyzvalenych padčas papiarednich abmienaŭ. Ilustracyjnaje fota
Zialenski paviedamiŭ, što jamu zrabili dakłady ŭdzielniki pieramoŭ z ukrainskaha boku Rustem Umieraŭ, Kiryła Budanaŭ i David Arachamija.
Na padstavie atrymanaj infarmacyi Zialenski abjaviŭ:
«Čakajecca važny krok: my raźličvajem u najbližejšy čas na abmien vajennapałonnymi. Treba viartać pałonnych dadomu».
«Uvohule naša ŭkrainskaja pazicyja vielmi vyraznaja: vajnu treba zaviaršać realna. Mienavita Rasija pavinna być hatovaja da hetaha. I partniory taksama pavinny być hatovyja zabiaśpiečyć heta na praktycy — svaimi realnymi harantyjami, harantyjami biaśpieki, svaim realnym ciskam na ahresara.
I tym, kab užo ciapier adčuvałasia — kab ludzi va Ukrainie heta adčuvali, — što situacyja sapraŭdy ruchajecca da miru, da zakančeńnia vajny, a nie da taho, što rasijanie buduć vykarystoŭvać usio na svaju karyść i praciahvać udary.
Nie pavinna być nijakich uznaharod ahresaru. Kali lubaja ŭznaharoda ahresaru budzie, Rasija z časam sarvie lubuju damoŭlenaść», — padkreśliŭ Zialenski.
Čytajcie taksama:
U ZŠA padrychtavali novyja sankcyi suprać Rasii na vypadak pravału pieramoŭ
Zialenski: Ukraina źmienić pieramoŭnuju pazicyju paśla siońniašniaha rasijskaha udaru