Jaŭhien Smaryhin atrymaŭ ukrainskaje hramadzianstva
Artyst žyvie va Ukrainie bolš za 15 hadoŭ.
Biełaruski aktor, televiadoŭca, scenaryst i pradziusar Jaŭhien Smaryhin atrymaŭ hramadzianstva Ukrainy, piša «Svaboda».
«Ja ŭžo taksama ŭkrainiec. Mnie ŭžo hramadzianstva nadali», — skazaŭ Jaŭhien Smaryhin u videazapisie, jaki raźmiaściŭ na svajoj staroncy ŭ Facebook kijeŭski ezateryk Andrej Dujko.
Jaŭhien Smaryhin raniej paviedamlaŭ, što zdaŭ ispyt pa ŭkrainskaj movie, kab atrymać hramadzianstva Ukrainy. Jon žyvie va Ukrainie bolš za 15 hadoŭ, ažaniŭsia z ukrainskaj hramadziankaj, ź jakoj jany vychoŭvajuć troch dziaciej.
U Biełarusi byŭ udzielnikam KVZ, vioŭ niekalki zabaŭlalnych prajektaŭ na dziaržaŭnym telekanale ANT — u 2009 hodzie jon atrymaŭ dziaržaŭnuju premiju «Televiaršynia» ŭ naminacyi «Lepšy viadoŭca muzyčna-zabaŭlalnaj prahramy».
Zdymaŭsia ŭ mastackich filmach, vioŭ pieradačy na rasijskich telekanałach.
Va Ukrainie z 2015 hoda ŭdzielničaje ŭ prajektach «Dyziel Studyja» — tvorčaha abjadnańnia kolišnich udzielnikaŭ ukrainskich kamand KVZ.