U Maskvie rasstralali namieśnika kiraŭnika HRU
Hienierał-lejtenanta Uładzimira Alaksiejeva padścierahli kala lifta ŭ domie na paŭnočnym zachadzie Maskvy.
Zamach adbyŭsia ŭ žyłym domie na Vałakałamskaj šašy, paviedamlajuć rasijskija ŚMI. Napadnik padpilnavaŭ hienierała, stojačy na schodach, i kali toj vyjšaŭ u choł lifta, streliŭ u jaho trojčy. Strałka šukajuć.
Uładzimira Alaksiejeva špitalizavali. Paviedamlajecca, što jaho stan ciažki.
Alaksiejeŭ naradziŭsia ŭ Vińnickaj vobłaści Ukrainy, skončyŭ Razanskuju vajskovuju vučelniu. U 2011 hodzie byŭ pryznačany načalnikam štaba — pieršym namieśnikam načalnika Hałoŭnaha ŭpraŭleńnia Minabarony, viadomaha pad staroj abrevijaturaj HRU. Padčas hramadzianskaj vajny ŭ Siryi kamandavaŭ tam rasijskimi siłami.
HRU — arhanizatar zabojstvaŭ i dyviersij va ŭsim śviecie.