Vialikabrytanija ŭ čakańni abvastreńnia ŭ Iranie pierakinuła samaloty na Kipr

Vialikabrytanija pierakidaje samaloty-bambardziroŭščyki na avijabazu Akraciry na Kipry z metaj pavyšeńnia biaśpieki na fonie mahčymaj ataki ZŠA na Iran. Pavodle infarmacyi The Times, šeść sučasnych samalotaŭ F‑35B dałučacca da ŭžo raźmieščanych na vostravie samalotaŭ Typhoon.

Zdymak ilustracyjny. Fota: Fuerza Aérea de Estados Unidos vía AP

U adroźnieńnie ad Typhoon, jakija vykonvajuć udary i patrulujuć u Iraku i Siryi, F‑35B pierakidvajuć jak strachoŭku na vypadak rezkaha rostu napružanaści.

6 lutaha ambasada ZŠA ŭ Tehieranie zaklikała svaich hramadzian terminova pakinuć krainu i mieć płan evakuacyi praz naziemnyja miežy, kali spynicca avijasuviaź. Raniej prezident ZŠA Donald Tramp pahražaŭ «vielmi mocnym udaram» pa Iranie i paviedamiŭ pra nakiravańnie vialikaj fłatylii z avijanoscam da iranskich bierahoŭ.

ZŠA taksama pierakidajuć dadatkovyja sistemy SPA, uklučajučy THAAD, dla abarony vojskaŭ i sajuźnikaŭ ad mahčymych udaraŭ ź Irana. U svaju čarhu Tehieran papiaredziŭ, što novaja ataka ZŠA pryviadzie da rehijanalnaj vajny, i abiacaje ŭdary pa amierykanskich bazach u Piersidskim zalivie.

Na hetym fonie 6 lutaha ŭ Amanie pačalisia pieramovy pradstaŭnikoŭ ZŠA i Irana pa jadziernaj prahramie. 7 lutaha Tramp zajaviŭ, što Iran «vielmi choča damovicca», ale ZŠA patrabujuć poŭnaha spynieńnia iranskaj raspracoŭki jadziernaj zbroi. Paśla pieramoŭ Vašynhton uvioŭ novyja sankcyi suprać iranskaha ekspartu nafty.

Kamientary da artykuła