Apublikavanaje videa ź miesca zamachu na hienierała HRU Alaksiejeva
FSB Rasii pakazała zapisy z kamier nazirańnia, zroblenyja paśla stralby ŭ pieršaha namieśnika načalnika HRU Uładzimira Alaksiejeva ŭ Maskvie. Na kadrach bačny padazravany ŭ zabojstvie.
Pavodle viersii śledstva, paśla ździajśnieńnia złačynstva mužčyna vykinuŭ pistalet u sumiot i na hramadskim transparcie źjechaŭ.
Samoha momantu strełu na apublikavanych zapisach niama.
Raniej stała viadoma pra zatrymańnie padazravanaha ŭ vykanańni zamachu. Pavodle FSB, heta hramadzianin Rasii 65‑hadovy Lubamir Korba. Jaho zatrymali ŭ Dubai i dastavili ŭ Maskvu.
Ustanoŭleny, śćviardžaje FSB, i jaho pamočniki. U Maskvie byŭ zatrymany Viktar Vasin, 1959 hoda naradžeńnia. A Zinaida Sierabryckaja, 1971 hoda naradžeńnia, pavodle FSB, paśpieła vyjechać va Ukrainu.
Namieśnika kiraŭnika HRU Uładzimira Alaksiejeva sprabavali zabić 6 lutaha kala 7‑j hadziny ranicy — u liftavym chole jaho doma na Vałakałamskaj šašy.