Inšaziemcy patajemna pieravozili praź miažu 150 tysiač dalaraŭ

Dvoje zamiežnych hramadzian sprabavali ŭjechać u Biełaruś z Polščy, nie zadekłaravaŭšy bujnuju sumu najaŭnych hrošaj. Abodvum mužčynam pa 45 hadoŭ, i kožny ź ich vioz z saboj bolš za 75 tysiač dalaraŭ, piša Hienieralnaja prakuratura. 

Incydent adbyŭsia 28 studzienia. Pry zapaŭnieńni mytnaj dekłaracyi mužčyny paznačyli tolki časovy ŭvoz aŭtamabila i pieravoz sabaki, ale pra najaŭnyja hrošy nie paviedamili. Padčas pravierki, adnak, biełaruskija mytniki znajšli valutu jak u asabistych rečach, tak i ŭ mašynie. Sami inšaziemcy patłumačyli heta tym, što nie byli znajomyja z praviłami dekłaravańnia.

Usie hrošy byli kanfiskavanyja. Mužčyn časova vyzvalili pad zakład sumaj 11 250 rubloŭ z kožnaha, uličyŭšy, što ŭ ich jość na ŭtrymańni małaletnija dzieci.

Pavodle zaviedzienych kryminalnych spraŭ im moža pahražać štraf, abmiežavańnie voli abo pazbaŭleńnie voli terminam da piaci hadoŭ.

Kamientary da artykuła