U minskim aeraporcie ŭzmacnili kantrol praź niebiaśpiečny virus
Usie pasažyry, jakija prylatajuć u Minsk, prachodziać padvojnuju pravierku tempieratury. Pry padazreńni na virus Nipach ich čakaje miedycynski ahlad i izalacyja, paviedamiŭ telekanał STV.
Zdymak ilustracyjny. Fota: AP Photo / Hussein Ibrahim
Pry dapamozie ciepłavizaraŭ śpiecyjalisty vyznačajuć tempieraturu kožnaha, što prybyvaje ŭ Biełaruś.
«Spačatku idzie kantrol patoku na stacyjanarnych ciepłavizarach. Heta značyć, my bačym spačatku tut, a zatym, kali patok pasažyraŭ prychodzić siudy, bačym užo voś na hetym ciepłavizary. To-bok padvojny kantrol. Zialony koler, kali ŭsio ŭ paradku, a kali idzie pavyšeńnie tempieratury, to čyrvonym koleram», — raskazała namieśnica hałoŭnaha doktara Minskaha haradskoha centra hihijeny i epidemijałohii Natalla Aŭtuchova.
Pry tempieratury 37,5 i vyšej čałavieka advodziać u miedpunkt dla ahladu, a pry padazreńni na niebiaśpiečnyja virusy źmiaščajuć u izalatar da pastanoŭki dyjahnazu. Kliničny materyjał adpraŭlajecca ŭ łabaratoryju bijatechnałohii i imunadyjahnostyki asabliva niebiaśpiečnych infiekcyj, dzie jość mahčymaść vyjavić roznyja ekzatyčnyja virusy.
Čytajcie taksama:
Uspyška niebiaśpiečnaha virusa raspaŭsiudžvajecca pa Azii. U aeraportach uzmacniajuć kantrol
Vypadkaŭ zavozu virusu «nipach» u Biełaruś nie fiksujecca
Za tydzień u Biełarusi kolkaść zachvorvańniaŭ na reśpiratornyja infiekcyi vyrasła na 18 pracentaŭ