Łyžnica Hanna Karalova paŭdzielničaje siońnia ŭ spabornictvach na Alimpijadzie
Jana vystupić u kvalifikacyi spryntu kłasičnym stylem, jakaja pačniecca a 11.15 pa minskim časie.
Fota: BiełTA
U startavym pratakole — 89 spartsmienak, dla vychadu ŭ čverćfinał nieabchodna trapić u tryccatku najlepšych.
U hetym siezonie Kubka śvietu Karalova dvojčy biehła kłasičnyja sprynty, zaniaŭšy 46‑ie i 53‑ie miescy. U subotu ŭ skijatłonie na 20 km Hanna zaniała 34‑ie miesca.
U nastupny čaćvier Hanna voźmie ŭdzieł u honcy z raździelnym startam.
Siońnia taksama buduć razyhranyja miedali ŭ kamandnaj estafiecie ŭ šort-treku, u słopstajle ŭ frystajle, projdzie indyvidualnaja honka ŭ mužčyn u bijatłonie, finał słałamu ŭ hornych łyžach u žančyn, finał u źmiašanych par u kiorlinhu, finały ŭ sannym sporcie i finał u skačkach na łyžach z tramplina ŭ kamandnych spabornictvach.
Paśla troch dzion spabornictvaŭ viaršynia miedalnaha zaliku vyhladaje tak
Olympics.com