Mieksika prypyniła pastaŭki nafty na Kubu na fonie pahroz uviadzieńnia pošlin z boku Donalda Trampa
Mieksika prypyniła pastaŭki nafty na Kubu na fonie pahroz uviadzieńnia pošlin z boku Donalda Trampa, adnak paabiacała i nadalej nakiroŭvać na vostraŭ humanitarnuju dapamohu, zajaviła prezident Kłaŭdyja Šejnbaum, piša La Jornada.
Havana. Fota: Sir Francis Canker / Getty Images
«My budziem praciahvać rabić usie nieabchodnyja dypłamatyčnyja kroki, kab pasprabavać adnavić pastaŭki nafty», — padkreśliła jana padčas vystupleńnia na pres-bryfinhu.
Šejnbaum adchiliła pahrozy Trampa ŭvieści sankcyi suprać krain, jakija pastaŭlajuć naftu na Kubu, nazvaŭšy ich niespraviadlivymi i spasłaŭšysia na niehatyŭnyja humanitarnyja nastupstvy.
«Nielha škodzić narodu tolki tamu, što vy nie zhodnyja z uradam. Heta niapravilna. U ich niama paliva dla balnic ci škoł. Ludzi pakutujuć», — skazała prezident.