Ź sierady daviedka z vajenkamata abaviazkovaja dla vydačy pašparta chłopcam va ŭzroście 18—27 hadoŭ
Z 11 lutaha ŭstupaje ŭ siłu ŭkaz Łukašenki, jakim praduhledžana novaja administracyjnaja pracedura — «Vydača daviedki ab staŭleńni da voinskaha abaviazku».
Meta pracedury — zabiaśpiečyć vykanańnie hramadzianami voinskaha abaviazku i dasiahnuć paŭnaty i dakładnaści danych voinskaha ŭliku, paviedamlaje pres-słužba Minabarony.
Daviedka ab voinskim abaviazku budzie nieabchodnaja dla atrymańnia abo zamieny pašparta, paśviedčańnia kiroŭcy i dazvołu na nabyćcio i zachoŭvańnie hramadzianskaj zbroi.
Vajennyja kamisaryjaty i ich adasoblenyja padraździaleńni buduć vydavać daviedku ŭsim hramadzianam mužčynskaha połu va ŭzroście ad 18 da 27 hadoŭ [pryzyŭny ŭzrost u Biełarusi — NN] biaspłatna nie paźniej za adzin rabočy dzień.
Daviedka budzie vydavacca ŭsim, chto asabista źvierniecca ŭ vajenny kamisaryjat abo jaho adasoblenaje padraździaleńnie pa miescy žycharstva, niezaležna ad taho, ci źjaŭlajucca jany subjektami voinskaha abaviazku.