Stała viadoma, u jakoj balnicy Homiela lečać pałonnych rasijan
Biełaruskaje telebačańnie paviedamiła, što paśla abmienu vajennapałonnymi pamiž Ukrainaj i Rasijaj, jaki adbyŭsia 5 lutaha praz terytoryju Homielskaj vobłaści, častka rasijan «była adrazu raźmieščana ŭ miedycynskaj ustanovie Homielskaj vobłaści».
Balnica nie była nazvanaja, ale «Fłahštok» vyśvietliŭ, jakaja heta balnica. Heta Haradskaja kliničnaja balnica chutkaj miedycynskaj dapamohi, jakaja znachodzicca pa vulicy Kamisarava, 13. Na kadrach sapraŭdy možna paznać dvarovuju prastoru i stary korpus BCHMD pobač z centralnym parkam.
Adzin ź miedykaŭ zahadčyk taksikałahičnaha adździaleńnia Valeryj Stoma raskazaŭ pra lačeńnie vajskoŭcaŭ.
Pa słovach miedyka, u adnaho z pacyjentaŭ stan pry pastupleńni byŭ krytyčny, i jamu praviali apieracyju: «Pry dyjahnostycy byŭ vyjaŭleny ŭnutrybrušny kryvaciok z dvuchfaznym razryvam sielazionki. Pa ekstranych pakazańniach było vykanana apieratyŭnaje ŭmiašańnie, akazana nieabchodnaja miedycynskaja dapamoha».
Inšy z pacyjentaŭ pieranios vostraje parušeńnie mazhavoha krovazvarotu.