Va Ukrainie 72‑hadovy mužčyna siakieraj i małatkom zabiŭ piać čałaviek — usie jany pierasialency ad vajny
U Rovienskaj vobłaści Ukrainy zdaryłasia žudasnaje masavaje zabojstva.
Kala čatyroch hadzin ranicy 10 lutaha ŭ palicyju patelefanavała sacyjalnaja rabotnica, jakaja paviedamiła, što jaje padapiečnyja — ludzi, jakija pakinuli svaje damy z-za vajny i žyli ŭ budynku byłoj škoły, — čujuć žudasnyja kryki ŭ kalidory.
Pavodle śledstva, vinavatym u trahiedyi staŭ 72‑hadovy ŭradženiec Danieckaj vobłaści. Pamiž im i inšymi žycharami centra dla pierasialencaŭ uspychnuła zvyčajnaja bytavaja svarka, jakaja chutka pierarasła ŭ bojku.
Padčas kanfliktu piensijanier schapiŭ małatok i siakieru dy pačaŭ nanosić udary ludziam, ź jakimi žyŭ pad adnym dacham.
Na miescy zahinuli piać čałaviek. Siarod achviar — dvoje mužčyn (60 i 68 hadoŭ) i try žančyny (56, 78 i 81 hoda). Usie jany — pierasialency.