Adzin z najviadomiejšych hurtoŭ śvietu pakidaje scenu
Tur The Long Goodbye stanie dla Eagles apošnim. Hurt byŭ zasnavany ŭ 1971 hodzie.
Fota: Paul Bergen/Redferns/GettyImages
Amierykanski rok-hurt Eagles, jaki stvaryŭ taki chit, jak Hotel California, aficyjna paćvierdziŭ zaviaršeńnie svajoj 55‑hadovaj karjery.
U intervju CBS Sunday Morning suzasnavalnik kalektyvu Don Chenli zajaviŭ, što 2026 hod, imavierna, stanie apošnim u hastrolnaj historyi hurta.
Kamientujučy finalny etap turu The Long Goodbye, artyst adznačyŭ, što Eagles płanujuć adyhrać jašče niekalki kancertaŭ, paśla čaho kančatkova raźvitajucca sa scenaj: «Viedaješ, dumaju, hety hod, imavierna, stanie apošnim. Ja i raniej kazaŭ niešta padobnaje, ale ciapier adčuvaju, što my sapraŭdy nabližajemsia da finału. I z hetym usio ŭ paradku».
Hurt byŭ zasnavany ŭ 1971 hodzie ŭ Łos-Andželesie, jaho stvaryli Hlen Fraj, Don Chenli, Bierni Lidan i Rendzi Majśnier. Suśvietnuju słavu im prynios Hotel California, ale viadomyja taksama i Take It Easy, Desperado, Take It to the Limit.
Albom Their Greatest Hits (1971—1975) razyšoŭsia nakładam bolš za 40 miljonaŭ kopij tolki ŭ ZŠA.