Minski aeraport pakazaŭ, jak vyhladajuć jahonyja biznes-zały FOTY
Nacyjanalny aeraport Minsk pradstaviŭ svaje płatnyja biznes-zały i raskazaŭ pra ŭmovy karystańnia i košt. Dostup u hetyja zały adkryty dla ŭsich pasažyraŭ, niezaležna ad kłasa kvitka.
Pasažyr ekanamičnaha kłasa moža trapić u biznes-zału za 35 dalaraŭ (kala 100 rubloŭ). Heta daje prava znachodzicca ŭ zale try hadziny, a za kožnuju dadatkovuju hadzinu treba dapłacić 12 dalaraŭ (34 rubli). Biznes-zały raźmieščanyja na čaćviortym paviersie aeravakzalnaha kompleksu i pracujuć kruhłasutačna. Apłata robicca na stojcy administratara.
Za 35 dalaraŭ pasažyry atrymlivajuć dostup u zonu čakańnia ź miakkimi kresłami i šviedskim stałom, u jaki ŭklučanyja stravy, napoi i šerah dadatkovych servisaŭ.
U biznes-załach jość dziciačaja zona, Wi-Fi, telebačańnie i presa, pakoi dla kureńnia.
Niekatoryja pasłuhi dajucca asobna: duš kaštuje 3 dalary (8,5 rubla), a kabina dla snu — 55 dalaraŭ (158 rubloŭ) za try hadziny.
Čytajcie taksama:
U madrydskim aeraporcie ŭ śpievaka skrali zaplečnik z 2,5 miljonami dalaraŭ
Za nastupnuju piacihodku ŭ Biełarusi płanujuć abnavić čyhunačny transpart i račny fłot
Minsku treba vydušyć ź siabie pravincyjnaść i viarnuć nachabstva i blask Vialikaha Horada
Fly Dubai anulavała ŭsie rejsy z vyletam i viartańniem u Minsk z 24 śniežnia pa 8 studzienia