ZŠA i Azierbajdžan padpisali chartyju ab stratehičnym partniorstvie
Vice-prezident ZŠA Džej Dzi Vens i prezident Azierbajdžana Ilcham Alijeŭ padpisali Chartyju ab stratehičnym partniorstvie pamiž dźviuma krainami. Jak paviedamili ŭ pasolstvie ZŠA ŭ Azierbajdžanie, hety dakumient nakiravany na ŭmacavańnie dvuchbakovych adnosin i raźvićcio patencyjału Paŭdniovaha Kaŭkaza.
Džej Dzi Vens i Ilcham Alijeŭ. Fota: Kevin Lamarque / Pool Photo via AP
Chartyja zamacoŭvaje pierachod supracoŭnictva na doŭhaterminovy instytucyjny ŭzrovień i achoplivaje šyroki śpiektr śfier. Siarod asnoŭnych pałažeńniaŭ — uzajemnaje pryznańnie suvierenitetu i terytaryjalnaj cełasnaści, raźvićcio tranzitnaha «Siaredniaha kalidora», a taksama padtrymka prajekta TRIPP — transpartnaha maršrutu pamiž Azierbajdžanam i Nachičevańniu praz terytoryju Armienii.
Akramia taho, dakumient praduhledžvaje ŭzmacnieńnie roli Azierbajdžana ŭ śfiery enierhietyčnaj biaśpieki, pašyreńnie supracoŭnictva ŭ handli, ličbavych technałohijach, kibierbiaśpiecy i abaronie, a taksama stvareńnie pracoŭnych hrup i realizacyju kankretnych prajektaŭ.
Vizit Vensa ŭ Baku adbyŭsia paśla jaho pajezdki ŭ Jerevan, dzie ZŠA i Armienija padpisali pahadnieńnie ab supracoŭnictvie ŭ halinie cyvilnaj jadziernaj enierhietyki ź inviestycyjami da 9 miljardaŭ dalaraŭ. Pavodle Bloomberg, hetyja kroki źjaŭlajucca častkaj stratehii Vašynhtona pa ŭmacavańni svajho ŭpłyvu ŭ rehijonie na fonie źmieny rehijanalnych sajuzaŭ i paśla dasiahnieńnia prajekta mirnaha pahadnieńnia pamiž Armienijaj i Azierbajdžanam pry pasiarednictvie ZŠA.
Čytajcie taksama:
ZŠA ŭkładuć 9 miljardaŭ dalaraŭ u armianskuju jadziernuju enierhietyku
Vice-prezidenta ZŠA i amierykanskuju delehacyju aśvistali padčas adkryćcia Alimpijady ŭ Miłanie
Džej Dzi Vens prylacieŭ na Alimpijadu ŭ Miłan z fłotam z 14 samalotaŭ i kartežam z 100 aŭtamabilaŭ
Karabach biez armian: Tramp zakančvaje vojny, jakija zakančvajucca sami
Alijeŭ i Pašynian padpisali ŭ Biełym domie dekłaracyju ab spynieńni bajavych dziejańniaŭ