Ukraina pačała płanavać praviadzieńnie vybaraŭ prezidenta. Jany mohuć prajści da 15 maja
Zialenski płanuje abviaścić pra praviadzieńnie vybaraŭ užo 24 lutaha.
Uładzimir Zialenski. Fota: AP Photo / Markus Schreiber
Ukraina pačała płanavać praviadzieńnie vybaraŭ prezidenta i refierendumu, paviedamlaje RBK-Ukraina sa spasyłkaj na FT.
Administracyja Trampa patrabuje pravieści abodva hałasavańni da 15 maja, inakš Ukraina moža stracić harantyi biaśpieki ad ZŠA.
Pavodle słoŭ krynic, Zialenski płanuje abviaścić praviadzieńnie vybaraŭ užo 24 lutaha, kali budzie čaćviortaja hadavina poŭnamaštabnaha ŭvarvańnia Rasii.
Jak raniej paviedamlałasia, na refierendumie moh być pryniaty amierykanski mirny płan.
Prezidenckija vybary va Ukrainie, kali b nie było vajny, pavinny byli prajści jašče ŭ 2024 hodzie, ale vajennaje stanovišča nie daje heta zrabić.