U Rasii źniščyli kala 150 kiłahramaŭ nasieńnia, uviezienaha ź Biełarusi
U Smalenskaj vobłaści supracoŭniki rasijskaj mytni spynili aŭtamabil, u jakim pieravozili prykładna 10,5 tysiačy pakietaŭ z nasieńniem pamidoraŭ, piercaŭ, ahurkoŭ i kapusty. Ahulnaja vaha hruzu składała kala 150 kiłahramaŭ.
Fota: Raśsielhasnahlad
Na ŭpakoŭkach było paznačana, što nasieńnie pachodzić z Francyi, Bielhii i Japonii, adnak kiroŭca nie zmoh pakazać fitasanitarny siertyfikat i inšyja nieabchodnyja dakumienty.
Uvoz takoha nasieńnia byŭ zabaronieny, tamu hruz nakiravali na ŭtylizacyju. Vinavataha pryciahnuli da administracyjnaj adkaznaści, paviedamlaje Raśsielhasnahlad.