Stała viadoma, dzie ciapier budzie žyć janot, jakoha pryvieźli ŭ Biełaruś u kantejniery z mašynami

Janot Sienia vyjšaŭ z karancinu paśla niečakanaha padarožža praz akijan i atrymaŭ pucioŭku ŭ novaje žyćcio.

Skrynšot ź videa

Ciapier janota možna budzie ŭbačyć u parku žyvioł «Dypryz» u Baranavickim rajonie, paviedamili na mytni.

Janot Sienia prypłyŭ u Biełaruś z ZŠA ŭ siaredzinie studzienia ŭ marskim kantejniery ź lehkavymi mašynami. Kali jaho zaŭvažyli, to spačatku pryniali za cacku. U darozie janot pravioŭ nie mienš za miesiac. Z hoładu navat pahryz sałon mašyny. 

Jak janot zmoh tak doŭha być bieź ježy? Janoty padobnyja da miadźviedziaŭ — uvosień nahulvajuć tłušč, a zimoj lubiać paspać. Hetyja zvyčki i vyratavali žyviolinu ad hałodnaj śmierci. Padčas takoha stanu aniamieńnia ŭ janotaŭ zamarudžvajucca žyćciovyja pracesy, krychu źnižajecca tempieratura cieła.

Kamientary da artykuła