U Rasii kančatkova zabłakavali YouTube, WhatsApp i Facebook
Paviedamlajecca, što z učarašniaha dnia damieny WhatsApp, YouTube, Facebook i šerahu inšych servisaŭ, zabaronienych u Rasii, stali niedastupnyja dla karystalnikaŭ u krainie.
Zdymak ilustracyjny. Fota: freepik.com
Havorka idzie ŭžo nie pra zapavolvańnie pracy, a pra poŭnuju «niabačnaść» hetych resursaŭ: ich adrasy vydalenyja z nacyjanalnaj sistemy DNS. U vyniku pry sprobie zajści na sajt niemahčyma vyznačyć jaho IP-adras, i sistema paviedamlaje pra nieisnujučy damien. Takim čynam, dostup da takich sajtaŭ faktyčna całkam spynieny.
Akramia nazvanych płatformaŭ, niedastupnymi stali taksama damieny BBC, Deutsche Welle, «Radyjo Svaboda», ananimnaha braŭziera Tor, sacsietki Instagram i inšych resursaŭ.
Vykarystańnie rasijskimi pravajdarami Nacyjanalnaj sistemy damiennych imionaŭ, jakoj kiruje Raskamnahlad, praduhledžana zakonam ab «suvierennym internecie». Užyvańnie alternatyŭnych DNS-servisaŭ (naprykład, Google DNS) ułady paśladoŭna abmiažoŭvajuć z 2021 hoda.
Čytajcie taksama:
Piaskoŭ prakamientavaŭ abmiežavańnie Telegram
Razam z zapavoleńniem telehrama ŭ Rasii pačali błakavać jutub
Duraŭ pra abmiežavańnie Telehrama: Nie ŭdałosia Iranu — nie ŭdasca i Rasii