Za miljonnyja machinacyi na Homielščynie zatrymali hiendyrektara dziaržpradpryjemstva lohkaj pramysłovaści
MUS ź dziaržkantrolem spravazdačylisia, što raskryli maštabnuju schiemu kradziažu hrošaj na adnym ź dziaržaŭnych pradpryjemstvaŭ lohkaj pramysłovaści Homielskaj vobłaści.
Pavodle śledstva, 51‑hadovy hienieralny dyrektar dziaržpradpryjemstva razam z 46‑hadovym kiraŭnikom pryvatnaj firmy arhanizavali fiktyŭnyja pastaŭki syraviny. Hetyja pradpryjemstvy nie nazyvajucca.
Dyrektar prymušaŭ padnačalenych rabić padroblenyja dakumienty: nibyta pravodzilisia tendary, tavar prymaŭsia na skład i navat vykarystoŭvaŭsia ŭ vytvorčaści. Nasamreč nijakaj syraviny pradpryjemstva nie atrymlivała.
Mienš čym za try hady saŭdzielniki prysvoili kala 1,4 miljona rubloŭ. Hetyja hrošy jany vykarystoŭvali dla asabistaha žyćcia: kuplali darahija aŭtamabili, budavali i dobraŭparadkoŭvali pryvatnyja damy.
Zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami. Abodva padazravanyja aryštavanyja. Im pahražaje da 12 hadoŭ pazbaŭleńnia voli.