Preziervatyvaŭ, nazapašanych dla spartsmienaŭ na Alimpijadzie ŭ Italii, chapiła na try dni

U Alimpijskaj vioscy ŭ Karcina-d’Ampieca chutka skončylisia biaspłatnyja srodki kantracepcyi, pryznačanyja dla spartsmienaŭ. Pavodle infarmacyi ŚMI, kala 10 tysiač preziervatyvaŭ, padrychtavanych arhanizatarami, razabrali ŭžo praz try dni paśla startu hulniaŭ.

Zdymak ilustracyjny. Fota: vecteezy.com

Vydańnie La Stampa paviedamlaje, što zapasy byli vyčarpanyja vielmi chutka. Adzin z atletaŭ ananimna adznačyŭ, što abiacali davieźci novuju partyju, ale kali heta adbudziecca — nieviadoma.

Dla paraŭnańnia: na letnich Alimpijskich hulniach 2024 hoda ŭ Paryžy było padrychtavana kala 300 tysiač takich srodkaŭ.

Raniej kiraŭnica kamisii spartsmienaŭ Mižnarodnaha alimpijskaha kamiteta Ema Tercha paviedamiła, što ŭdzielniki hulniaŭ u Italii atrymajuć padarunki: smartfony abmiežavanaj sieryi, siertyfikat na 500 dalaraŭ na žyllo, a taksama biaspłatny nabor padhuźnikaŭ dla tych, chto maje maleńkich dziaciej.

Zimovyja Alimpijskija hulni 2026 hoda prachodziać na poŭnačy Italii — u Miłanie i Karcina-d'Ampieca, a častka spabornictvaŭ arhanizavana ŭ Valtelinie i Val-dzi-Fjemie. Cyrymonija adkryćcia adbyłasia 6 lutaha, a zakryćcio zapłanavana na 22 lutaha. Usiaho razyhryvajucca 116 kamplektaŭ uznaharod u 16 vidach sportu.

Biełaruskija spartsmieny ŭdzielničajuć u hulniach na tych ža ŭmovach, što i ŭ Paryžy ŭ 2024 hodzie: 7 spartsmienak dapuščanyja da spabornictvaŭ u niejtralnym statusie i tolki ŭ indyvidualnych dyscyplinach.

Kamientary da artykuła