Makron zaklikaŭ «adnavić prazrysty kanał suviazi» z Rasijaj
Prezident Francyi padkreśliŭ, što ŭ vypadku dasiahnieńnia mirnaha pahadnieńnia Jeŭropie treba budzie «vyznačyć praviły suisnavańnia» z Rasijaj.
Fota: Ludovic Marin / AP
Prezident Francyi Emanuel Makron zajaviŭ na Miunchienskaj kanfierencyi pa biaśpiecy, što Jeŭropa pavinna brać udzieł u pieramovach z Rasijaj ab vajnie va Ukrainie, kab być «častkaj vyrašeńnia hetaj prablemy», piša Le Parisien.
Jon padkreśliŭ, što ŭ vypadku dasiahnieńnia mirnaha pahadnieńnia Jeŭropie treba budzie «vyznačyć praviły suisnavańnia» z Rasijaj.
Makron taksama zaklikaŭ da praciahu namahańniaŭ pa stvareńni jeŭrapiejskaj abarony i zajaviŭ, što Jeŭropa pavinna stać «hieapalityčnaj dziaržavaj».
Raniej prezident Francyi daŭ intervju bujnym jeŭrapiejskim hazietam i skazaŭ, što jeŭrapiejcy pavinny vieści samastojnuju dyskusiju z Rasijaj, kab nie zaležać ad ZŠA.