Kreml admianiŭ abaviazkovy karancin pierad sustrečami z Pucinym
Kreml uvioŭ abaviazkovy karancin pierad sustrečami z Pucinym u 2020 hodzie na fonie pandemii karanavirusa.
Kłasičnaje fota z Makronam, sajt Kramla
Uładzimir Pucin pierastaŭ patrabavać papiaredni karancin dla ŭsich, z kim jon sustrakajecca, paviedamlaje prajekt žurnalistki Farydy Rustamavaj Faridaily sa spasyłkaj na čatyry krynicy, znajomyja z pratakołam Kramla.
Kali mienavita heta było zroblena, vydańnie nie ŭdakładniaje. Kreml uvioŭ abaviazkovy karancin pierad sustrečami z Pucinym u 2020 hodzie na fonie pandemii karanavirusa, miery stroha kantralavalisia Fiederalnaj słužbaj achovy (FSA).
Z-za hetaha šerahu čynoŭnikaŭ i biźniesmienaŭ davodziłasia dva tydni znachodzicca ŭ śpiecyjalna adviedzienych izalacyjnych ustanovach dla sustrečy z kiraŭnikom dziaržavy. Pry hetym pradstaŭnik Kramla Dźmitryj Piaskoŭ śćviardžaŭ, što «chtości prachodzić dvuchtydniovy karancin, chtości prachodzić karancin niekalki dzion, chtości naohuł biez karancinu sustrakajecca», piša «Novaja hazieta Jeŭropa».
U kastryčniku 2023 hoda Faridaily paviedamlała, što termin karancinu pierad sustrečami z Pucinym skaracili da piaci dzion.