Dvoje pjanych jechali na adnoj mašynie, i prablemy sabie zdabyŭ nie tolki kiroŭca
Ranicaj 14 lutaha 23‑hadovy mužčyna, jaki kiravaŭ aŭtamabilem Opel na haściavoj stajancy doma №3 na minskaj vulicy Haškieviča, źbiŭ 26‑hadovaha piešachoda, jaki išoŭ pa tratuary. Piešachoda pavieźli ŭ balnicu dla abśledavańnia, ale raźvićcio historyi na hetym nie skončyłasia.
Fota: HUUS Minharvykankama
Paśla zdareńnia kiroŭca zastaŭsia na miescy, ale jaho 24‑hadovy pasažyr pierasieŭ za rul i pasprabavaŭ vyjechać z terytoryi stajanki. Jaho, adnak, spynili supracoŭniki milicyi.
Miedycynskaje abśledavańnie pakazała, što ŭ arhanizmach abodvuch — kiroŭcy i pasažyra — było prykładna 2 pramile ałkaholu. A dalejšaje rasśledavańnie vyjaviła, što pasažyr uvohule nikoli nie mieŭ paśviedčańnia kiroŭcy.
U vyniku abodvuch parušalnikaŭ dastavili ŭ RUUS, a aŭtamabil pastavili na stajanku pad achovaj.