Kartki litoŭskaj Paysera pierastali pracavać u Biełarusi
Płaciežnyja karty litoŭskaha anłajn-banka Paysera z 11 lutaha nie pracujuć u Biełarusi. Infarmacyju ŭ čatach ab pierasiačeńni miažy zaŭvažyŭ Office Life.
Biełaruskija karystalniki kart Paysera atrymali listy ad banka ab tym, što tranzakcyi pa ich u našaj krainie «buduć biespaśpiachovymi».
— Kartki Paysera nie mohuć być vykarystanyja na terytoryi Biełarusi (…). Hetyja miery źjaŭlajucca častkaj mier Paysera pa vykanańni mižnarodnych sankcyj, — havorycca ŭ paviedamleńni banka.
Z dastupnych funkcyj zastałasia tolki mahčymaść prahladu bałansu ŭ bankamatach.
Dahetul Paysera była adzinaj litoŭskaj finansavaj ustanovaj, kartkami jakoha možna było raźličvacca ŭ Biełarusi.