Ułady Irana raspačali nie mienš za 23 tysiačy kryminalnych spraŭ na pratestoŭcaŭ
Aryšty prajšli va ŭsich pravincyjach krainy.
Fota: Anonymous / Getty Images
Pradstaŭnik sudovaj sistemy paviedamiŭ, što aryšty prajšli va ŭsich pravincyjach krainy, čym paćvierdziŭ ahulnanacyjanalny charaktar akcyj.
Taksama jon skazaŭ, što padčas pratestaŭ byli zafiksavanyja napady na 749 palicejskich učastkaŭ i 120 centraŭ Korpusa vartavych isłamskaj revalucyi, piša «Radyjo Farda».
Pravaabarončaja arhanizacyja HRANA śćviardžaje, što aryštaŭ bolš; ich kolkaść pieravysiła 53 tysiačy, a vydadzienych pozvaŭ u sud — 11 tysiač. Masavyja aryšty adbyvajucca na fonie novaj błakiroŭki internetu ŭ krainie.
Pratesty ŭ Iranie kančatkova zadušanyja.