Da Biełarusi nabližajecca cykłon Wally V

Cykłon Wally V, jaki sfarmavaŭsia nad Adryjatyčnym moram, nabližajecca da Biełarusi. Najbolš ad jaho pacierpiać Homielskaja i Mahiloŭskaja vobłaści, piša telehram-kanał @nadvorie.

Zdymak ilustracyjny. Fota z sacyjalnych sietak

Ranicaj 19 lutaha ŭ hetych rehijonach čakajecca mocny śnieh, miacielica i paryvisty viecier. Tempieratura pavietra składzie kala -9…-13°S. Pavodle prahnozaŭ, na ŭschodzie Mahiloŭskaj vobłaści moža vypaści da 7—10 mm apadkaŭ.

Astatniuju terytoryju krainy cykłon amal nie zakranie — mahčymy tolki nievialiki śnieh miescami. Unačy 19 lutaha sinoptyki prahnazujuć -11…-17°S, a pry prajaśnieńniach — da -21°S. Udzień tempieratura budzie vahacca ad -1°S na zachadzie da -10°S na poŭnačy krainy.

Kamientary da artykuła