Biełaruskaja fihurystka Viktoryja Safonava zaniała 26‑ie miesca ŭ karotkaj prahramie i zakončyła vystup na Alimpijadzie
Učora na Zimovych Alimpijskich hulniach adbyłasia karotkaja prahrama ŭ žanočym adzinočnym katańni. Na lod vyjšli 29 fihurystak.
Fota: NAK
Biełaruskaja fihurystka Viktoryja Safonava adkryvała prahramu. Jana nabrała 54,57 bała. Jak vyśvietliłasia potym, heta byŭ vielmi nizki bał.
Viktoryja ŭ vyniku zaniała 26‑ie miesca i nie zmahła adabracca ŭ lik 24 fihurystak, što praciahnuć u čaćvier baraćbu ŭ svabodnaj prahramie za miedali.
Najlepšy vynik u karotkaj prahramie pakazała japonka Ami Nakai — 78,71, u jaje suajčyńnicy Kaory Sakamota — 77,23, u amierykanki Alisy Lu — 76,59. Rasijanka Adelija Pietrasian pakazała piaty vynik — 72,89.
24 fihurystki ŭ čaćvier razyhrajuć miedali, a Safonava pakidaje Alimpijadu.