U Žłobinskim rajonie čałaviek zahinuŭ, paśliznuŭšysia ŭ lesie i naparoŭšysia na halinku
U Žłobinskim rajonie ŭ kancy žniŭnia adbyłasia trahiedyja padčas pachodu za hrybami. Dvoje bratoŭ pajšli ŭ les i ŭ peŭny momant raździalilisia. Nieŭzabavie adzin ź ich pačuŭ kryk, pabieh na jaho i ŭbačyŭ brata, jaki lažaŭ na travie z hłybokaj ranaj na šyi. Niahledziačy na sproby akazać dapamohu, mužčyna pamior da pryjezdu miedykaŭ, piša «Homielskaja praŭda».
Zdymak ilustracyjny. Fota: «Naša Niva»
Spačatku daktary chutkaj dapamohi nie vyklučali mahčymaść kryminału — rana na nižniaj častcy šyi nahadvała ŭdar nažom. Adnak ekśpierty Žłobinskaha mižrajonnaha adździeła Dziaržaŭnaha kamiteta sudovych ekśpiertyz pryjšli da vysnovy, što heta ŭsio ž byŭ niaščasny vypadak.
Ahlad miesca zdareńnia pakazaŭ, što ziamla była pakrytaja rassypanym płastom liścia. Pobač tyrčaŭ abłomak suchoha dreva z burymi śladami. Z rany zahinułaha byli vyciahnuty drobnyja častki draŭniny, jakija idealna supadali z halinkaj u lesie.
Taksama vyśvietliłasia, što mužčyna byŭ pjany, što, vierahodna, pryviało da niadbajnaści i straty im raŭnavahi.
U vyniku Śledčy kamitet aficyjna pryznaŭ śmierć hrybnika niaščasnym vypadkam: čałaviek prosta spatyknuŭsia, upaŭ i trapiŭ na vostruju halinku.
Čytajcie taksama:
Biełarus pakazaŭ maładoje pakaleńnie hryboŭ, jakija rastuć u lesie ŭ lutym