Čarnahoryja ŭ 2026 hodzie moža ŭvieści vizy dla biełarusaŭ
Čarnahoryja moža ŭvieści vizavy režym dla hramadzian Biełarusi i Rasii ŭžo ŭ 2026 hodzie. Pra heta pradstaŭniki krainy raspaviali na bryfinhu MZS Čarnahoryi dla kiraŭnikoŭ i pradstaŭnikoŭ dypłamatyčnych misij, piša partał respublikanskaha sajuza turystyčnaj industryi.
Čarnahoryja moža ŭvieści vizavy režym dla hramadzian Biełarusi i Rasii ŭžo ŭ 2026 hodzie. Pra heta pradstaŭniki krainy raspaviali na bryfinhu MZS Čarnahoryi dla kiraŭnikoŭ i pradstaŭnikoŭ dypłamatyčnych misij, piša partał Respublikanskaha sajuza turystyčnaj industryi.
Temaj sustrečy stali płany krainy ab paskoranaj intehracyi ŭ Jeŭrapiejski Sajuz. Čarnahoryja płanuje zaviaršyć pieramovy pra heta da kanca 2026 hoda, a ŭstupić u ES — da 2028-ha.
Sa słoŭ pradstaŭnikoŭ MZS Čarnahoryi, u ramkach hetaha pracesu kraina płanuje sinchranizavać svaju vizavuju palityku z ahulnajeŭrapiejskaj užo da kanca 2026 hoda. Faktyčna heta aznačaje, što Čarnahoryja ŭviadzie vizavy režym dla hramadzian krain, jakija nie ŭvachodziać u śpis biaźvizavych dla ES. Heta ŭ tym liku Biełaruś i Rasija.
Paviedamlajecca, što apierataram viz budzie kampanija VFS Global. Pradstaŭniki krainy ŭžo viaduć pieramovy ź joj ab adkryćci vizavych centraŭ.
U pačatku lutaha my raspaviadali, što pasolstva Francyi ŭ našaj krainie źmianiła praceduru padačy zajavak na atrymańnie viz. A 10‑ha čysła pisali, što z 25 lutaha Vialikabrytanija ŭviadzie elektronnyja vizy dla zamiežnikaŭ.
Taksama zaŭvažyli, što na staroncy pasolstva Italii ŭ Biełarusi ŭ Instagram źjaviłasia paviedamleńnie ab źmienie vizavaha centra. Z 1 lipienia 2026 hoda zapis na vizu budzie prachodzić u centry apieratara VF WorldWide.