Šry-łankijcy pałamali statystyku viciebskaj milicyi svajoj niesankcyjanavanaj masavaj akcyjaj na 300 čałaviek
«Biełpoł» atrymaŭ unutrany milicejski dakumient pra statystyku złačynnaści ŭ Viciebskaj vobłaści ŭ 2025 hodzie. Ličby pa niesankcyjanavanych masavych mierapryjemstvach u začyščanaj ad prajaŭ aktyŭnaści krainie akazalisia niečakanymi.
Fota: vsmu.by
«Płanamiernaja praca dazvoliła skaracić kolkaść kryminalnych dziejańniaŭ, učynienych u hramadskich miescach», — spravazdačycca viciebskaja abłasnaja milicyja.
Pavodle jaje statystyki, da niabačnaj źniziłasia kolkaść niesankcyjanavanych masavych mierapryjemstvaŭ u vobłaści — z 204 da 58.
Niahledziačy na takoje čatyrochrazovaje padzieńnie samich «niesankcyjanavanych» mierapryjemstvaŭ, milicyja niečakana adznačyła rost kolkaści ich udzielnikaŭ — z 204 da 357 čałaviek.
Akazałasia, što statystyku milicyi pałamali šry-łankijcy, jakija biez dazvołu biełaruskich uładaŭ adznačali Novy hod. U śviacie pryniali ŭdzieł kala 300 čałaviek.
Jak vynikaje sa statystyki za 2024 hod, u kožnym z 204 niesankcyjanavanych «masavych» mierapryjemstvaŭ tady udzielničaŭ 1 čałaviek.