Pačali maštabnuju pravierku maršrutnych taksi
Z 19 lutaha Dziaržaŭtainśpiekcyja pačynaje ŭ Biełarusi maštabnuju pravierku maršrutnych taksi, paviedamiła pres-słužba viedamstva.
Zdymak ilustracyjny. Fota: Lookby.media
Inśpiektary najpierš źviernuć uvahu na techničny stan transpartu: pravierać spraŭnaść aŭtamabilaŭ i najaŭnaść zimovych šyn. Asobny akcent budzie zrobleny na vykanańni kiroŭcami Pravił darožnaha ruchu.
Taksama pad asablivy kantrol trapić vykanańnie pravił pieravozki pasažyraŭ — u tym liku najaŭnaść i vykarystańnie ramianioŭ biaśpieki.
Dla bolšaj efiektyŭnaści pravierak płanujecca vykarystańnie kamier Respublikanskaj sistemy manitorynhu hramadskaj biaśpieki.
Paviedamlajecca, što słužbovyja asoby, jakija dapuściać parušeńni, buduć pryciahnutyja da administracyjnaj adkaznaści. Meta rejdaŭ — pavyšeńnie biaśpieki pasažyrskich pieravozak u maršrutkach.
Čytajcie taksama:
U Breście na niekatoryja mašyny stali kleić žoŭtyja nalepki. Što jany aznačajuć?
U Minsku zatrymali žančynu za rulom z 3 pramile ałkaholu ŭ kryvi
U Minsku na ŭčastku praśpiekta Pieramožcaŭ zabiaruć adnu pałasu ruchu dla budaŭnictva mietro