ZŠA abahnali Italiju ŭ miedalnym zaliku
Złučanyja Štaty vyjšli na druhoje miesca ŭ nieaficyjnym kamandnym zaliku.
Alisa Lu. Fota: Jamie Squire/Getty Images
Upeŭniena lidziruje Narviehija, u jakoj 34 miedali, u tym liku 16 załatych, vosiem srebranych i 10 bronzavych.
U ZŠA — 27 miedaloŭ (9+12+6), Italii — 26 (9+5+12), Francyi — 19 (6+8+15), u Niderłandaŭ — 16 (6+7+3).
Amierykancy ŭčora zavajavali zołata chakiejnaha žanočaha turniru, a ŭ adzinočnym fihurnym katańni zołata vyjhrała Alisa Lu. Srebra zavajavała japonka Kaory Sakamota, bronza ŭ jaje suajčyńnicy Ami Nakai.
Usiaho miedali brali 27 krain z 95, što ŭdzielničajuć u Alimpijadzie.
Top-10
Aficyjny sajt Alimpijady
Zimovaja Alimpijada skončycca ŭ niadzielu.
Siońnia buduć razyhranyja miedali ŭ skaj-krosie frystajła, zabiehu na kańkach na 1500 mietraŭ u žančyn, projdzie mas-start u bijatłonie ŭ mužčyn.
Taksama adbuducca paŭfinały ŭ mužčynskim chakiejnym turniry: Kanada — Finlandyja, ZŠA — Słavakija.
Miedaloŭ na hetaj Alimpijadzie ŭ biełarusaŭ niama, upieršyniu z 1994 hoda.
Ale na hetych Hulniach u nas minimalnaje pradstaŭnictva, usiaho siem čałaviek, u raniejšyja razy było ad 27 da 33. Tak zdaryłasia ŭ tym liku z-za mižnarodnaha banu bijatłanistaŭ i bijatłanistak, što rehularna pryvozili miedali. I biełaruskija chakieisty nie byli dapuščanyja da adboru chakiejnaha turniru.
Apošniaja biełaruskaja pradstaŭnica Maryna Zujeva maje ŭ subotu ŭziać udzieł u mas-starcie na kańkach.