Zialenski: Ukraina nie prymie ultymatumaŭ ad Rasii
Ukraina hatovaja abmiarkoŭvać kampramisy sa Złučanymi Štatami i inšymi partniorami, ale nie prymie ultymatumaŭ ad Rasii. Pra heta zajaviŭ ukrainski prezident Uładzimir Zialenski ŭ intervju Kyodo.
Fota: Ebrahim Noroozi / AP
«My hatovyja da realnych kampramisaŭ. Ale nie da kampramisaŭ canoj našaj niezaležnaści i suvierenitetu. My hatovyja kazać pra kampramisy sa Złučanymi Štatami», — skazaŭ jon.
Jon padkreśliŭ hatoŭnaść abmiarkoŭvać spynieńnie bajoŭ pa pryncypie «staim tam, dzie staim» i nazvaŭ heta «vialikim kampramisam».
Prezident Ukrainy raniej užo kazaŭ, što pryncyp «staim, dzie staim» Kijeŭ ličyć samaj spraviadlivaj i nadziejnaj bazavaj madellu dla spynieńnia ahniu. Ź jahonych słoŭ, «taki kampramisny, na ich pohlad, varyjant», prapanujuć mienavita ZŠA.