Ceny nafty vyraśli da maksimumu za apošnija siem miesiacaŭ
Za tydzień kaciroŭki dadali kala 6,5% i dasiahnuli maksimumu za siem miesiacaŭ.
Nafta padaražeła na fonie eskałacyi pamiž ZŠA i Iranam. Košty nafty marak Brent i West Texas Intermediate vyraśli amal na adzin adsotak, dasiahnuŭšy 72,34 i 67 dalaraŭ za baral adpaviedna. Za tydzień kaciroŭki dadali kala 6,5% i dasiahnuli maksimumu za siem miesiacaŭ.
Padstavaj dla rostu stali zajavy prezidenta ZŠA Donalda Trampa, jaki ŭzmacniŭ cisk na Tehieran u ramkach sprečki vakoł iranskaj jadziernaj prahramy i zhadaŭ dziesiacidzionny termin dla dasiahnieńnia damoŭlenaści.
Inviestary aścierahajucca, što ŭ vypadku abvastreńnia moža być parušana sudnachodstva ŭ Armuzskim pralivie — adnym z klučavych maršrutaŭ pastavak nafty.
Analityk kampanii Phillip Nova Pryjanka Sačdava adznačyła, što «ciapier rynak znachodziacca ŭ stanie padvyšanaj tryvohi».