Adnaviła pracu kraŭdfandynhavaja płatforma Gronka

Kraŭdfandynhavaja płatforma Gronka adnaviła svaju dziejnaść paśla paŭhadovaha pierapynku, paviedamiŭ u sacyjalnych sietkach jaje stvaralnik Pavieł Libier.

Pa słovach Paŭła Libiera, za pieršy hod pracy karystalniki sabrali kala 70 tysiač jeŭra i padtrymali bolš za dva dziasiatki roznych prajektaŭ. Ale paźniej płatforma sutyknułasia ź finansavymi ciažkaściami.

Libier padziakavaŭ ludziam i arhanizacyjam, jakija dapamahli kamandzie achviaravańniami i dali mahčymaść pieraadoleć składany pieryjad.

Čakajecca, što ŭ najbližejšy čas na płatformie źjavicca jašče bolš inicyjatyŭ. Aŭtary zaklikajuć jak stvaralnikaŭ prajektaŭ, tak i tych, chto hatovy ich padtrymać, dałučacca da pracy.

Gronka pačała dziejničać u lipieni 2024 hoda jak placoŭka dla padtrymki biełaruskich prajektaŭ i inicyjatyŭ. U Biełarusi jaje pryznali «ekstremisckim farmavańniem».

Kamientary da artykuła