U Google Gemini dadali hienieratar muzyki

Kampanija Google intehravała ŭ svaju niejrasietku Gemini novy muzyčny instrumient na bazie madeli Lyria 3. Jon umieje pieratvarać zvyčajny tekstavy zapyt u poŭnavartasny muzyčny trek z vakałam — dastatkova apisać nastroj, žanr abo situacyju.

Fota ilustracyjnaje

Novaja viersija Lyria 3 pracuje ŭ beta-režymie niepasredna ŭ dadatku Gemini, biez dadatkovych servisaŭ ci płahinaŭ. U adroźnieńnie ad papiarednich viersij, jana moža samastojna stvarać tekst pieśni i muzyku. Karystalnik moža taksama kiravać tempam, stylem i typam vakału, a huk staŭ bolš składanym i realistyčnym.

Sistema pracuje prosta: možna ŭvieści zapyt abo zahruzić fota ci videa. Naprykład, kali apisać patrebnuju kampazicyju, Gemini zhienieruje tekst i muzyku, a vynikam stanie 30‑siekundny klip z aŭtamatyčna stvoranaj vokładkaj. Hatovy trek možna spampavać abo padzialicca im pa spasyłcy.

Kali zahruzić vyjavu, madel analizuje jaje nastroj i stvaraje adpaviednuju muzyku. Pry hetym dakładna kapijavać styl kankretnaha artysta nielha — sistema vykarystoŭvaje jaho tolki jak ahulny aryjencir. Usie zhienieravanyja kampazicyi paznačajucca niabačnym vadzianym znakam SynthID, jaki dazvalaje vyznačyć, što trek stvorany štučnym intelektam.

Funkcyja dastupnaja karystalnikam, starejšym za 18 hadoŭ, u desktopnaj viersii, a mabilnyja pryłady atrymajuć jaje ŭ najbližejšyja dni. Padtrymlivajucca niekalki moŭ. Taksama Lyria 3 źjaviłasia ŭ instrumiencie Dream Track na YouTube, jaki dapamahaje aŭtaram dadavać ŠI-muzyku da karotkich videa.

Kamientary da artykuła