Maryna Adamovič apublikavała novyja FOTY Mikoły Statkieviča — jon adpačyvaje razam z kocikami
Maryna Adamovič apublikavała z fejsbuku novyja fotazdymki svajho muža — Mikoły Statkieviča, jakoha paśla insultu vypuścili z kałonii dadomu.
«Sijesta i sieans ad najlepšych terapieŭtaŭ» — tak žonka Mikałaja Statkieviča padpisała zdymki.
Mikałaja Statkieviča vyzvalili 19 lutaha — jon vyjšaŭ z reanimacyi paśla insultu, jaki adbyŭsia ŭ źniavoleńni 21 studzienia.
Da taho, nasupierak ułasnym zakonam, jaho ŭtrymlivali ŭ inkamunikada, a 11 vieraśnia sprabavali niezakonna, nasupierak jaho voli, departavać ź Biełarusi.
Kali jon fizična ŭspraciviŭsia departacyi, jaho niezakonna viarnuli ŭ kałoniju — choć pa dakumientach jon byŭ «pamiłavany». Paśla sproby departacyi Statkieviča ŭtrymlivali navat bieź minimumu asabistych rečaŭ.
Što pryviało da insultu, pakul nieviadoma. Raniej žonka paviedamiła, što ŭ Mikałaja pakul ciažkaści z maŭleńniem.