Jašče adzin kavałačak «biełaruskaj Antarktydy» zaŭvažyli na Minščynie
Ledzianyja piejzažy źjavilisia ŭ Uździenskim rajonie.
Fota tut i dalej: zorkanews.by
Kala vodanapornaj viežy ŭ Uździenskim rajonie vyraśli mudrahielistyja ledzianyja fihury. Jany trapili ŭ abjektyŭ fatohrafa «Čyrvonaj zorki».
Usio pačałosia sa zvyčajnaj uciečki vady. Ale ŭdaryli marazy i pieratvaryli nieprykmietny patok u ledzianyja skulptury. Zamiarzajučy pastupova, vada stvaryła ceły kaskad prazrystych i małočna-biełych formaŭ. Tut možna ŭbačyć i padabienstva stałaktytaŭ, i zastyłyja chvali, i navat dziŭnyja fihury.