Śpiecpradstaŭnik Pucina pra finał Alimpijady: Zbornaja ZŠA pieramahła svoj budučy 52‑i štat. Adzin z apošnich chakiejnych matčaŭ pamiž ZŠA i Kanadaj
Kirył Dźmitryjeŭ — śpiecyjalny pradstaŭnik prezidenta Rasii Uładzimira Pucina pa inviestycyjna-ekanamičnym supracoŭnictvie z zamiežnymi krainami — vykazaŭsia pra pieramohu zbornaj ZŠA na chakiejnym turniry Alimpijady-2026 u Italii.
Pieramožny hoł amierykancaŭ u aviertajmie. Fota: Gregory Shamus / Getty Images
U finale amierykancy atrymali pieramohu nad zbornaj Kanady (2:1 u aviertajmie).
«Zbornaja ZŠA pieramahła svoj budučy 52‑i štat. Adzin z apošnich chakiejnych matčaŭ pamiž ZŠA i Kanadaj», — napisaŭ Dźmitryjeŭ u sacsietcy, kamientujučy vyjavu, apublikavanuju Biełym domam, na jakoj biełahałovy arłan atakuje kanadskuju huś.
Raniej Dźmitryjeŭ nazvaŭ Hrenłandyju i Kanadu 51‑m i 52‑m štatami ZŠA.