Piaskoŭ: Mety vajny va Ukrainie nie dasiahnutyja całkam
Pres-sakratar kiraŭnika Rasii Dźmitryj Piaskoŭ zajaviŭ, što Rasija jašče nie dasiahnuła ŭsich svaich metaŭ u vajnie suprać Ukrainy, tamu vajna praciahvajecca, piša «RIA Naviny».
Fota: Contributor / Getty Images
Śpikier Kramla nazvaŭ akupacyju častki ŭkrainskaj terytoryi «harantavańniem biaśpieki ludziej, jakija žyli i žyvuć na Uschodzie Ukrainy». Heta, pavodle jaho słoŭ, było asnoŭnaj metaj raspačataj Rasijaj vajny.
«Ale poŭnaściu mety (vajny RF suprać Ukrainy) nie dasiahnutyja, tamu SVA praciahvajecca», — skazaŭ jon.
Piaskoŭ taksama zajaviŭ, što Rasija nibyta zachoŭvaje svaju adkrytaść dla dasiahnieńnia svaich metaŭ «palityčna-dypłamatyčnymi srodkami».
«Zastajecca jašče nadzieja, što kanflikt možna budzie zavieršyć pieramovami? Hetaja nadzieja nie pakinuła nas z samaha pačatku… Naša pazicyja dobra zrazumiełaja, paśladoŭnaja. Ciapier usio zaležyć ad dziejańniaŭ kijeŭskaha režymu», — skazaŭ śpikier Kramla.
«Rasija budzie iści dalej», — skazaŭ Piaskoŭ.