Vašynhton pastaviŭ novuju datu zaviaršeńnia vajny va Ukrainie — Bloomberg
ZŠA nastojvajuć na zaklučeńni miratvorčaha pahadnieńnia pamiž Rasijaj i Ukrainaj da 4 lipienia (Dnia Niezaležnaści Złučanych Štataŭ), piša Bloomberg sa spasyłkaj na čynoŭnikaŭ ź Jeŭropy i NATA.
U pieršym šerahu śpiecpradstaŭnik Trampa pa pieramovach z Rasijaj Styŭ Uitkaf, vice-prezident Džej Dzi Vens, Donald Tramp, dziaržsakratar Marka Rubia. Chip Somodevilla/Getty Images
Supracoŭniki ahienctva adznačajuć, što niama nijakich prykmiet taho, što prezident Rasii Uładzimir Pucin hatovy zaklučyć ździełku.
U intervju CNN prezident Ukrainy Uładzimir Zielenski zajaviŭ, što Tramp choča, kab Kijeŭ padpisaŭ miratvorčaje pahadnieńnie z Rasijaj i ździełku z Złučanymi Štatami i jeŭrapiejskimi krainami, jakija dajuć Ukrainie harantyi biaśpieki, i heta pavinna adbycca adnačasova i pažadana na vialikaj cyrymonii.
Raniej paviedamlałasia, što adnym z terminaŭ zaklučeńnia pieramirja źjaŭlajecca siaredzina maja.
Inšaj dataj taksama nazyvajecca pačatak listapada, kali projduć pramiežkavyja vybary ŭ Kanhres. Palityčnaj pieramohaj dla Trampa budzie spynieńnie bajavych dziejańniaŭ.